பிப்ரவரி 21

இன்று "அவருடைய" சத்தம்

பிப்ரவரி 21

🔸️ கீழானவைகளை அல்ல, மேலானவைகளையே நாடுங்கள்! 🔸️

இஸ்ரவேலரின் சத்துருக்களை எதிர்க்க கிதியோன் ஒரு சேனையை திரட்டினபோது, அவனுடன் 32,000 இஸ்ரவேலர்கள் இருந்தனர். ஆனால், அவர்கள் எல்லோரும் முழு இருதயத்துடன் இல்லை என்பதை தேவன் அறிவார். ஆதலால் தேவன் அவர்களை வடிகட்டிக் கழித்துவிட்டார். முதலாவது பயப்படுகிறவர்கள் வீட்டிற்கு அனுப்பப்பட்டனர். அப்படியும் 10,000 பேர் மீதம் இருந்தார்கள். அவர்கள் ஆற்றண்டை கொண்டு செல்லப்பட்டு, சோதிக்கப்பட்டார்கள். அதில் 300 பேர் மட்டுமே சோதனையில் ஜெயம் பெற்று, தேவனால் அங்கீகரிக்கப்பட்டார்கள்! தங்கள் தாகத்தைத் தீர்க்கும்படி அந்த 10,000 பேர்கள் ஆற்றில் தண்ணீர் குடித்தவிதம், கிதியோனின் சேனையில் இருப்பதற்கு தகுதி உடையவர்கள் யார் என்பதை தேவன் தேர்ந்தெடுக்கும் முறையாயிற்று! தாங்கள் சோதிக்கப்படுகிறோம் என்பதை அவர்கள் உணர்ந்து கொள்ளவேயில்லை!! 9,700 பேர்கள் சத்துருவைப் பற்றிய "விழிப்புள்ள உணர்வு" எல்லாவற்றையும் மறந்து தங்கள் தாகத்தைத் தீர்க்க முழங்கால்படியிட்டனர். 300 பேர்கள் மாத்திரம் நின்றவண்ணம் ஜாக்கிரதையாய் குவிந்த கைகளால் தண்ணீரைக் குடித்தனர்!

தேவன் நம்மை சோதிப்பது, அனுதின வாழ்வின் சாதாரண விஷயங்களில்தான்! பணம், உலக மரியாதை, லௌகீக சுகங்கள் போன்றவற்றைப் பற்றிய நமது மனப்பான்மையில்தான். நாமும்கூட கிதியோனின் சேனையில் இருந்தவர்களைப்போல, தேவன் நம்மை சோதித்தறிகிறார் என்பதை அநேகமுறை உணர்வதில்லை. "உலகக் கவலைகளால்" பாரமடையாதபடிக்கு இயேசுகிறிஸ்து நம்மை எச்சரித்துள்ளார் (லூக்கா 21:34). 

கொரிந்து பட்டண கிறிஸ்தவர்களுக்கு பவுல் ஆலோசனை சொல்லும்பொழுது, "மனைவிகள் உள்ளவர்கள் மனைவிகள் இல்லாதவர்கள் போலவும், இவ்வுலகத்தை அனுபவிக்கிறவர்கள் அதைத் தகாதவிதமாய் அனுபவிக்காதவர்கள் போலவும், கொள்ளுகிறவர்கள் கொள்ளாதவர்கள் போலவும்" இருக்கவேண்டும் என்கிறார் (1கொரி. 7:29-31). நமது தாகத்தை நாம் தீர்க்கலாம்..... ஆனால், கரங்களைக் குவித்து குறைந்தபட்ச தேவை எவ்வளவோ அவ்வளவே நாம் குடிக்க வேண்டும்! நம்முடைய மனம் பூமிக்குரியவைகளையல்ல, மேலானவைகளையே நாடி நிலைத்திருக்க வேண்டும்!   

ஜெபம்:

பரம தந்தையே! பூமிக்குரிய எங்கள் 'தேவைகள்' தவிர, எங்கள் நாட்டமோ எப்போதும் மேல்நோக்கியிருக்க அருள்புரியும்! கர்த்தராகிய இயேசு கிறிஸ்துவின் நாமத்தில், ஆமென்.  

எழுதியவர்:

சகோதரர் சகரியா பூணன்.

"இன்று அவருடைய சத்தம்" என்கின்ற "குடும்ப தியான நூலிலிருந்து".

From:-

https://t.me/hisvoicetoday