செப்டம்பர் 02

 இன்று "அவருடைய" சத்தம்

செப்டம்பர் 2

🔸️ தேவனுடைய மகிமை ஒன்றே நம் பிரதானம்! 🔸️

மத்தேயு 6ம் அதிகாரத்தில் "மனிதர்களின் புகழ்ச்சியை தேடுதல்" என்ற கொடிய சுபாவத்தை தீய மனநோக்கமாக இயேசு போதித்தார். வேறு எந்த குறிப்பிட்ட குணாதிசயத்தை விட இந்த தீய சுபாவத்தை எச்சரிப்பதற்கு இயேசு 18 வசனங்களை உபயோகித்தார். நாம் ஆவிக்குரிய சரியான செயல்களை செய்தாலுமே அவைகளைத் தவறான மன நோக்கத்தோடு செய்வதே இக்கொடிய சுபாவம் ஆகும். 

இந்த 18 வசனங்களில், இயேசு குறிப்பாக மூன்று ஆவிக்குரிய செயல்களைக் குறிப்பிட்டார். 

1) பிறருக்குக் கொடுத்து உதவுதல் (வசனம் 1-4). 

2) ஜெபித்தல் (வசனம் 5-15). 

3) உபவாசித்தல் (16-18) ஆகிய இம் மூன்று செயல்களும் ஆவிக்குரிய நல்ல செயல்களே ஆகும். இவைகளை இயேசு தன் வாழ்வில் கைக்கொண்டார். தன்னுடைய எல்லா சீடர்களும் இவைகளைக் கைக்கொள்ளும்படியும் வலியுறுத்தினார். ஆம், நம் ஜீவிய காலமெல்லாம் இவைகளை தொடர்ந்து கைக்கொள்வது மிக மிக அவசியமேயாகும். ஆனால் இங்கு இயேசுவோ, இது போன்ற நல்ல செயல்களைத் தவறான மனநோக்கத்தோடு செய்வோமென்றால், நாம் கைக்கொண்ட நல்ல செயல்களும் கறை பட்டுவிடும் என எச்சரித்தார்!

பழைய ஏற்பாட்டில் "நம்முடைய மன நோக்கங்களைக் குறித்து" அதிகமாய் வலியுறுத்தி கூறப்படவில்லை. ஏனெனில் பழைய ஏற்பாடு மனுஷனின் வெளியரங்கமான ஜீவியத்தை குறித்து மாத்திரமே வலியுறுத்தியது. நியாயப்பிரமாணம் இது போன்ற வெளியரங்கமான ஜீவியத்தின் குறைகளையே கண்டித்துப் போதித்தது. ஆனால் இப்போது புதிய ஏற்பாட்டிலோ, நம்முடைய நீதி பரிசேயர்களின் நீதியைக் காட்டிலும் மேலான நீதியாக இருக்க வேண்டும் என இயேசு கூறினார் (மத்தேயு 5:20).

கொடுப்பது, ஜெபிப்பது, உபவாசிப்பது ஆகிய வெளியரங்கமான சிறந்த நீதிகளைப் பரிசேயர்கள், கைக்கொண்டார்கள். ஆனால், இவர்களின் இந்த எல்லா நல்ல செயல்களுக்குப் பின்பாகவும், சுயநலமான "மனுஷர்களின் புகழ்ச்சியை தேடுதல்" என்ற தீய மனநோக்கமே குடிகொண்டிருந்தது. 

இப்போது நம்முடைய நீதி பரிசேயர்களின் நீதியை காட்டிலும் அதிகமாக இருக்க வேண்டுமென்றால், நாம் கைக்கொள்ளும் நன்மையான எல்லா தேவ நீதிகளும், தேவ மகிமைக்காக மாத்திரமே செய்யப்படுவதாய் இருக்கவேண்டும்!

ஜெபம்:

எங்கள் அன்புள்ள தகப்பனே! எங்களின் செயலில் "மனுஷர் புகழ்ச்சியை" நாடும் தீய மனப்பான்மையை மாற்றி, சகலமும் தேவ மகிமைக்காகவே செய்திடும் கிருபை தாரும்! கர்த்தராகிய இயேசு கிறிஸ்துவின் நாமத்தில், ஆமென். 

எழுதியவர்:

சகோதரர் சகரியா பூணன்.

"இன்று அவருடைய சத்தம்" என்கின்ற "குடும்ப தியான நூலிலிருந்து".

From:-

https://t.me/hisvoicetoday